Atinando Recordos

O 21 de setembro conmemorase o DÍA MUNDIAL DO ALZHEIMER, que ten como obxectivo concienciar á sociedade sobre esta enfermidade.

O Alzheimer afecta ás partes do cerebro que se encargan da memoria, pensamento e linguaxe. Co paso do tempo dificulta o recordo das cousas básicas e dos nomes ou caras das persoas que os rodean pero poden lembrarse das cousas que facían de pequenos.

Nos seguintes enlaces poderás atopar un vídeo e un conto con máis información.

O noso colexio leva a cabo o proxecto “Atinando Recordos”, o cal pon en contacto ás persoas con demencia de AFAGA e ao alumnado de 5º e 6º a través do envío de cartas.

Esta iniciativa permite estimular as capacidades cognitivas dos usuarios de Afaga ao mesmo tempo que o alumnado coñece un pouquiño máis do seu pasado máis próximo, fomentando o agarimo e o respecto.

Pica na imaxe e descobre un pouquiño máis ...

📢Saímos en prensa! Pincha nas imaxes para acceder as noticias que se realizaron sobre o proxecto que leva a cabo o colexio.

E tamén saimos na radio! Pica nas imaxes para escoitar as entrevistas.

📫📯Mes a mes, o noso proxecto vai crecendo un poquiño máis. Creamos un recuncho que conta ca súa propia caixa de correos para ir depositando e collendo a nosa correspondencia.